Айбек Оралбай Париж Олимпиадаси йўлланмасига эга бўлди

ASTANА. Кazinform - Италиянинг Бусто-Арсицио шаҳрида ўтказилаётган лицензион турнирда бугун биринчи бўлиб рингга кўтарилган Айбек Оралбай чорак финалда америкалик боксчи Жамар Тлллини мағлуб этиб, Париж Олимпиадаси йўлланмасини қўлга киритди.

Айбек Оралбай
Фото: Бокс федерацияси

Бу қозоғистонлик боксчиларнинг Италия аренасида қўлга киритган илк йўлланмаси бўлди. Умуман6 эркаклар ўртасидаги қозоғистонлик боксчиларнинг иккинчи йўлланмасидир. Бунгача эркаклар ўртасида +92 кг вазн тоифасида иштирок этаётган Қамшибек Қонқабаевгина Парижга йўлланмани қўлга кирита олганди. У ўтган йили Хитойнинг Ханчжоу шаҳрида бўлиб ўтган Осиё ўйинларида Олимпиада йўлланмасига эга бўлган эди.

Энди, Астана вақти билан соат 19:30да Валентина Хальзова аёллар ўртасида 75 кг вазн тоифасида британиялик боксчи Кинди Нгамба билан Олимпиада йўлланмаси учун кураш олиб боради.

Кечки баҳсда эса 50 кг вазнда Алуа Балқибекова Германия боксчиси Макси Карина Клоетзер билан куч синашади. Жанг соат 23:00га белгиланган.

51 кг вазн тоифасида Сакен Бибосинов соат 00:00да британиялик Киаран Макдональд билан тўқнаш келади. Сакен Бибосиновнинг рақиби Европа чемпионати кумуш медали совриндори.

57 кг вазн тоифасида баҳсларда иштирок этаётган Маҳмуд Сабирхан тожикистонлик 2011 йилда Астанадаги ўсмирлар ўртасидаги жаҳон чемпионатида ғолиб чиққан, 2011 йилда жаҳоннинг энг кучли ўсмир боксчиси номини қўлга киритган Асрор Воҳидов билан куч синашади. Жанг 00:30 га белгиланган.

 Маҳмуд Сабирхандан кейин 71 кг вазнда Асланбек Шимбергенов озарбайжонлик боксчи Вархан Алиев билан куч синашади. Унинг рақиби 2021 йилги жаҳон чемпионати бронза медали совриндори ҳисобланади.

Бундан ташқари, Астана вақти билан соат 01:30да 80 кг вазндаги Нурбек Оралбай 2021 йилги жаҳон чемпионати чорак финалчиси, Европа ўйинлари кумуш медали совриндори ирландиялик боксчи Келин Кессиди билан Олимпиада йўлланмаси учун баҳс олиб боради.

Эслатиб ўтамиз, лицензион турнирда ярим финалгача етиб борган боксчилар 2024 йилги Олимпиада ўйинларига йўлланма олади.

Сўнгги хабарлар