Австралия очиқ чемпионатида Қозоғистон теннисчиларининг рақиблари аниқланди

ASTANA. Kazinform - Йилнинг илк «Катта дубулға» турнири – Австралия очиқ чемпионатига қуръа ташлаш маросими бўлиб ўтди, деб хабар бермоқда Kazinform мухбири.

Яккалик баҳсларида қозоғистонлик теннисчиларнинг рақиблари аниқланди.

Қозоғистоннинг биринчи ракеткаси, дунёнинг 23-ракеткаси Елена Рибакина биринчи даврада дунё рейтингида 67-ўринни эгаллаб турган италиялик Элизабетта Коччарето билан куч синашади.

Рейтингда 51-ўринни эгаллаб турган Юлия Путинцева дунёнинг 43-ракеткаси руминиялик Сорана Кирстя билан учрашади.

Эркаклар ўртасида Қозоғистоннинг биринчи ракеткаси, дунёнинг 36-ракеткаси Александр Бублик рейтингда ўзидан тўрт поғона юқори бўлган испаниялик Алехандро Давидович-Фокинадан ўтишга ҳаракат қилади.

Қозоғистонлик спортчиларнинг жуфтликлар баҳсидаги рақиблари кейинроқ маълум бўлади.

Австралия очиқ чемпионати 16 январда бошланади ва икки ҳафта давом этади.

Муаллиф: Ғайсағали Сейтақ

Фото: ktf.kz