ШҲТ давлатларининг ташқи сиёсат идоралари раҳбарлари Астанага келади
ASTANА. Кazinform – 2024 йилнинг 21 май куни Астана шаҳрида Қозоғистон Республикаси Бош вазири ўринбосари – Ташқи ишлар вазири Мурат Нуртилеу раислигида Шанхай ҳамкорлик ташкилотига аъзо давлатлар Ташқи ишлар вазирлари кенгашининг навбатдаги йиғилиши бўлиб ўтади.
Тадбирда ташкилотга аъзо давлатларнинг ташқи сиёсат идоралари раҳбарлари, Шанхай ҳамкорлик ташкилоти Бош котиби ва ШҲТ Минтақавий аксилтеррор тузилмаси Ижроия қўмитаси директори иштирок этади.
“Йиғилиш давомида жорий йилда Астана шаҳрида бўлиб ўтадиган ШҲТга аъзо давлатлар раҳбарлари кенгаши йиғилишига тайёргарликнинг боришини кўриб чиқиш режалаштирилган. Делегациялар раҳбарлари ташкилот доирасида халқаро ва минтақавий вазият, хавфсизлик ва сиёсий, савдо-иқтисодий ва маданий-гуманитар соҳалардаги ҳамкорликни ривожлантириш масалалари юзасидан фикр алмашадилар. Йиғилишда Ташкилотнинг бўлажак саммитининг якуний ҳужжатлари бўйича бир қатор қарорлар имзоланиши, шунингдек, ахборот узатишнинг қабул қилиниши ҳисобга олинди”, — деди ТИВ расмий вакили Айбек Смадияров вазирликда ўтказилган ҳафталик матбуот анжуманида.
