Астанада ўзбекистонлик иккита фирибгар қўлга олинди

ASTANА. Кazinform – Ўзбекистонда 21 ёшли қизни қариндошига унаштириб, сўнг қудаларидан пул ундирган фирибгар Астанада қўлга олинди, деб хабар беради Кazinform Polisia.kz га таяниб.

Хабар берилганидек, пойтахт полицияси МДҲ давлатлари билан ҳамкорликда 15-16 март кунлари кенг кўламли «Қидирув» тадбирини ўтказди. Тадбирнинг биринчи кунида Астана шаҳрида 8 нафар жиноятчи аниқланиб, қўлга олинди. Йўқолган 3 нафар фуқаронинг жойлашган жойи аниқланди.

Давлатлараро қидирувга берилган икки хорижликдан бири ўзбекистонлик аёлдир.

«Халқаро қидирувда бўлган 23 ёшли ўзбекистонлик қизнинг шахси аниқланди. У қариндошига унаштиргандан сўнг 21 ёшли қизни уйидан олиб кетган. Кейинроқ у қудаларидан шантаж йўли билан пул талаб қилган», — дейилади полиция хабарида.

42 ёшли Ўзбекистон фуқароси фирибгарлик қилиб, пойтахтда яшаб келган. Самарқанд шаҳрида бир кишини ишга жойлаштиришни ваъда қилиб, 1 миллион 400 минг сўм пулини ўзлаштирган.

Ҳозирда исм-шарифлари тилга олинган ҳар икки гумонланувчи вақтинчалик сақлаш ҳибсхонасига сақланмоқда. Экстрадиция масаласи ҳал қилинмоқда.