Астанада корейс санъаткорларининг маданий тадбирлари ўтказилади

ASTANA. Kazinform - Бу йил ёз ва кузда Астана аҳолиси ва пойтахт меҳмонлари корейс халқининг маданий фаолиятидан баҳраманд бўлишлари мумкин. Бу ҳақда Корея Республикасининг Қозоғистондаги Фавқулодда ва Мухтор элчиси Чжо Тэ-ик маълум қилди.

“2022-2023 йиллар Корея Республикаси ва Қозоғистон Республикаси ўртасида ўзаро маданий алмашинув йили бўлди. Охирги икки йил давомида икки томонлама маданий алоқалар чуқурлашди. Хусусан, опера концертлари, корейс анъанавий мусиқаси ва таэквондо чиқишлари, шу билан бирга икки давлатнинг маданий яқинлашувига ҳисса қўшган мода намойишлари ўтказилди”, - деди Чжо Тэ-ик пойтахтда “Ҳанбок санъат сифатида қайта тикланди” кўргазмасининг очилиш маросимида.

Шунингдек, элчи икки давлат ўртасидаги маданий алоқалар тенденциясини давом эттириш мақсадида элчихона ва Корея маданият маркази ҳамкорлигида жорий йилда бир қатор тадбирлар ўтказилишини маълум қилди.

“Июнь ойида «K-pop Cover Dance Champion» рақс фестивали, июль ойида эса корейс комикслари «Astana Comic Con» фестивалида иштирок этади. Август ойида “Астана Опера” театрида Корея Республикаси миллий замонавий рақс жамоаси, октябрь ойида эса анъанавий корейс рақс гуруҳи чиқиш қилади.Элчихона ва Корейс маданият маркази барчангизни оммавий ва маданий тадбирларни таклиф қилиш орқали кутиб олишдан мамнун”, - деди у.