Астана шаҳрида Қозоғистон МОҚ ва ISSA вакиллари учрашди

ASTANА. Кazinform - ISSA ((Islamic Solidarity Sports Association -Ислом бирдамлиги спорт ассоциацияси) делегацияси V Бутунжаҳон кўчманчилар ўйинларига махсус ташриф буюрди.

Қозоғистон Республикаси МОҚ штаб-квартирасида бўлиб ўтган йиғилишда ISSA Бош котиби жаноб Насер Мажали ва Қозоғистон МОҚ президентининг маслаҳатчиси Алимжан Ақаев иштирок этди.

Йиғилишда муҳокама қилинган асосий мавзулардан бири 2025 йил ноябрь ойида Саудия Арабистонининг Ар-Риёд шаҳрида бўлиб ўтадиган “Ислом бирдамлик ўйинлари”ни ташкил этиш масаласидир.

Айни пайтда спорт мусобақаси дастури тайёрланмоқда, дастлабки маълумотларга кўра, мусобақа спортнинг 20 тури бўйича ўтказилади.

Учрашувда ISSA фаолиятининг янги стратегияси ҳам муҳокама қилинди. Бу ерда спорт дастуридан ташқари ислом ўйинлари маданияти ва таълимини ривожлантириш ҳамда барча иштирокчилар ўртасида янги алоқа ўрнатишга устувор аҳамият берилади.