“Астана” конференциялар лигасида Руминиянинг “Корвинул” жамоасини мағлуб этди
ASTANА. Кazinform — Футбол бўйича конференциялар лигасининг 3-саралаш босқичи доирасида пойтахтнинг “Астана” клуби Руминиянинг “Корвинул” жамоаси билан учрашди.
Пойтахт клуби бу йил еврокубокларнинг гуруҳ босқичида иштирок этишни мақсад қилган. Шунинг учун у ҳар бир учрашувда яхши натижаларга эришишга ҳаракат қилади.
Қозоғистонликларнинг бугунги рақиби “Корвинул” жамоаси Руминия чемпионати биринчи лигасида тўп сурмоқда.
Шунга қарамай, у ҳеч бир рақибга осонлик билан ғалабани бериб қўймайди.
Мезбонлар биринчи голни уришди. Улар орасидан Антонио Манолаке 37-дақиқада зарба йўллади.
“Астана”дан Усмон Камара 62-дақиқада ҳисобни тенглаштирган бўлса, 80-дақиқада Жефри Чинеду жамоасини ҳисобда олдинга олиб чиқди.
Шу тариқа пойтахт клуби 2:1 ҳисобида зафар қучди.
Энди жавоб учрашуви 15 август куни бўлиб ўтади.
