Анна Данилина Марокашдаги турнирнинг финал босқичига йўлланма олди

RABAT. Kazinform – Қозоғистоннинг жуфтлик баҳсларида биринчи, дунёнинг 51-ракеткаси Анна Данилина Рабат (Марокаш) WТА 250 турнирининг финал босқичига йўлланма олди.

Мусобақанинг 2-ракеткаси сифатида қайд этилган Анна Данилина ва хитойлик Сюй Ифань ярим финалда японияликлар – Эри Хозуми ва Макото Ниномия билан тўқнаш келди.

Бир соату 22 дақиқа давом этган баҳсда Қозоғистон-Хитой жуфтлиги 6:4, 6:4 ҳисобида ғалаба қозонди.

Улар 1 эйс билан бирга 8 та брейк-пойнтнинг 5 тасидан фойдаланди.

Японлар 1 эйс, 3 брейк (11 та брейк-пойнт) билан чекланди.

Анна Данилина - Сюй Ифань мусобақанинг 4-ракеткалари, россияликлар Яна Сизикова – Ирина Хромачёва билан чемпионлик учун кураш олиб боради.

Ярим финалда россиялик дуэт ўйиннинг биринчи ракеткалари хитойликлар Ханью Гуо – Синью Яньни 1:6, 7:5, 10:6 ҳисобида мағлуб этди.

Эслатиб ўтамиз, аввалроқ Тимофей Скатов Германиядаги мусобақада ярим финалга чиққани ҳақида ёзган эдик.

Александр Бублик Франциядаги мусобақанинг ярим финалида иштирок этади.