20:50, 08 Июнь 2024 | GMT +5
Анна Данилина Италиядаги мусобақада ғалаба қозонди
ASTANА. Кazinform — Қозоғистоннинг жуфтлик баҳсларида биринчи, дунёнинг 57-ракеткаси Анна Данилина Бари (Италия) челленжер турнири ғолибига айланди.

Мусобақанинг 1-ракеткалари сифатида қайд этилган А.Данилина – россиялик Ирина Хромачева финалда Италия вакили Анжелика Морателли – мексикалик Рената Сарасуаларга қарши бош соврин учун кураш олиб борди.
Қозоғистон-Россия жуфтлиги иккала партияда ҳам яққол устунлик кўрсатди — 6:1, 6:3.
1 соату 5 дақиқа давом этган ўйинда улар тўққизта брейк-пойнтдан бештасини ва иккита эйсни ишлатишди. Рақиблар 1 брейкдан (5 та брейк-пойнт) ошиб кета олмади.