Андрей Голубев Швециядаги мусобақанинг ярим финалига чиқди

Қозоғистонлик теннисчи Андрей Голубев Стокгольмда (Швеция) ўтказилаётган АТР 250 турнирининг жуфтлик баҳсларида ярим финалга йўл олди, деб хабар беради Kazinform.

Қозоғистонлик теннисчи украиналик Денис Молчанов билан бирга чорак финалда португалиялик Франсишку Кабраль ва британиялик Анри Паттенга қарши баҳс олиб борди.

Биринчи ўйинда А.Голубев ва Д.Молчанов тай-брейкда устун келганди – 7:6 (7:4). Иккинчисида Португалия-Британия дуэти ғолиб чиқди - 7:6 (7:3).

Супер тай-брейкда Голубев – Молчанов ғалаба қозонди – 10:8.

Икки соату 8 дақиқа давом этган шиддатли беллашувда Қозоғистон-Украина жуфтлиги еттита брейк-пойнтнинг иккитасидан фойдаланди.

Андрей Голубев - Денис Молчановнинг ярим финалдаги рақиблари кейинроқ аниқланади.

Эслатиб ўтамиз, аввалроқ Александр Бублик Бельгиядаги турнирнинг чорак финалига чиққани ҳақида ёзган эдик.