Алмати талабалар учун дунёдаги энг яхши 100 та шаҳар қаторида

ALMATY. Kazinform - Алмати талабалар учун дунёдаги энг яхши 100 та шаҳар қаторига кирди. Бу ҳақда шаҳар ҳокими Бақитжан Сағинтаев маълум қилди, деб хабар беради Kazinform мухбири.

«Британиянинг Studee консалтинг компанияси маълумотларига кўра, Алмати талабалар учун дунёдаги энг яхши 100 та шаҳар қаторига кирди. Яшаш ва ижарага бериладиган уй-жойларнинг ўртача нархи, интернет тезлиги, халқаро рейтингга киритилган университетлар сони каби мезонларга кўра, шаҳримиз 76-ўринни эгаллади», - деб ёзади Б.Сағинтаев ўзининг Twitter саҳифасида.

Маълумотларни таҳлил қилишда Studee тадқиқотчилари шаҳарда яшовчи 15 ёшдан 24 ёшгача бўлган ёшларнинг умумий сони, озиқ-овқат сифати, хавфсизлик ва сўз эркинлиги даражасини ҳам ҳисобга олди.

Токио, Мельбурн, Сеул, Квебек ва Аделаида каби шаҳарлар дунё рейтингида етакчилар қаторида. Шу билан бирга, Алмати Нью-Йоркдан кейин, Варшавадан олдинда жойлашган. Москва бу рейтингда 84-ўринда, Санкт-Петербург эса 98-ўринда.

Муаллиф: Еламан Турисбеков