Алимхан Сиздиқов Олимпиада лицензиясини қўлга киритди

BISHKEK. Kazinform — Қирғизистон пойтахти Бишкек шаҳрида кураш бўйича ўтказилган лицензияли турнирда юнон-рум курашчиси Алимхан Сиздиқов Олимпиада йўлланмасини қўлга киритди.

Аниқроқ айтадиган бўлсак, лицензияланган кураш бўйича турнирнинг ҳал қилувчи кунида 130 килограмм вазн тоифасида Осиё чемпиони Алимхан Сиздиқов ярим финалда қирғизистонлик тажрибали полвон, Осиё чемпионатининг бир неча бор ғолиби Роман Кимни мағлуб этиб, Париж олимпиадасига йўлланмани қўлга киритди.

Бу Қозоғистон учун 46-чи йўлланмаси бўлди.

Бунгача 60 килограмм вазн тоифасидаги Айдос Султанғали ярим финалда Тайпей вакили, Осиё чемпионати бронза медали совриндори Жуи Чи Хуангни мағлуб этиб ва Олимпиада йўлланмасини қўлга киритган эди.

Кейин 77 килограмм вазн тоифасидаги терма жамоасининг тажрибали полвони, жаҳон чемпионати кумуш медали совриндори Демеу Жадираев ярим финалда жанубий кореялик курашчини 5:2 ҳисобида мағлуб этиб, жорий йилнинг асосий мусобақасига йўлланмани қўлга киритди.

Афсуски, 67 килограмм вазнда юрт шарафини ҳимоя қилган Мейиржан Шермаханбет ярим финалда 2023 йилги Осиё чемпионати кумуш медали совриндори Киотаре Согабега (Япония) имкониятни бой бериб қўйди.