Александр Бублик Дубайдаги турнирнинг ярим финалига чиқди

Александр Бублик (АТР бўйича 23-рақам) Дубайда (БАА) АТР 500 тоифасидаги турнирнинг ярим финалига йўл олди, деб хабар беради Kazinform Қозоғистон теннис федерацияси матбуот хизматига таяниб.

Қозоғистонлик спортчи чорак финалда Иржи Лехечкага (дунёнинг 36-ракеткаси) қарши кортга чиқди ва умумий 6:4, 4:1 ҳисобида зафар қучди. Иккинчи сет давомида чехиялик теннисчи жароҳати туфайли баҳсни давом эттиришдан бош тортди. Ўйин 56 дақиқа давом этди.

Ярим финалда Бублик Себастян Корда (АҚШ) – Андрей Рублев (Россия) жуфтлиги ғолиби билан ўйнайди.