АҚШ суди Дональд Трампга қарши қарор чиқарди
ASTANA. Кazinform - АҚШнинг собиқ президенти Дональд Трампга қарши тўртта жиноий иш қўзғатилди, унинг 2020 йилги сайловларни бузишга уриниши юзасидан суд қарори чиқарилди, деб ёзади ВВC.
Суд қарорига кўра, Дональд Трамп ҳокимиятни сақлаб қолишга уринишда иштирок этгани учун жиноий жавобгарликка тортилиш бўйича иммунитетга эга эмас.
“Ушбу жиноий иш доирасида собиқ президент Трамп бошқа жиноий айбланувчилар каби барча ҳимоя воситаларига эга бўлган фуқаро Трампга айланди. Аммо уни президент сифатида ҳимоя қиладиган ҳар қандай дахлсизлик энди уни бу айбловлардан ҳимоя қила олмайди”, — дея қарор қилди суд.
Эслатиб ўтамиз, 2021 йилнинг 6 январида Капитолий яқинида тартибсизлик бўлиб, Трамп тарафдорлари айбланган эди. Трампнинг ўзи бу ишда айбини тан олмади.
Дональд Трамп “фирибгарлик ва алдаш йўли билан федерал ҳукуматга зарар етказиш, тўсқинлик қилиш ва функцияларига путур етказиш мақсадида фитна уюштирганликда” айбланмоқда.
Дональд Трамп 2020 йилги сайловларда демократ рақиби Жо Байденга ютқазди. Ҳозирда у Республикачилар партияси номидан президентликка номзоддир.
