Ақмола вилоятида коронавирусга қарши эмланганлар сони ортди

KÓKSHETAÝ. Kazinform – Ақмола вилоятида коронавирусга қарши вакцинанинг биринчи компонентини 364 846 киши олган, бу вилоят аҳолисининг 46,5 фоизини ташкил қилади. Бу ҳақда Ақмола вилояти санитария-эпидемиология назорати бошқармаси бошлиғи Айнагул Мусина маълум қилди, дея хабар беради Kazinform мухбири.

Вилоят бош давлат санитария врачининг маълум қилишича, коронавирус инфекциясига қарши вакцина оладиганлар орасида 12 ёшдан 17 ёшгача бўлган ўсмирлар, ҳомиладор аёллар – ҳомиладорликнинг 16-37 ҳафтасигача, эмизикли аёллар – туғруқдан кейинги давр (42 кундан кейин) 2 ёшга тўлгунга қадар, шунингдек, биринчи, иккинчи ва учинчи гуруҳ ногиронлари бор.

«2021 йил феврал ойидан буён Ақмола вилоятида 364 846 нафар аҳоли коронавирусга қарши вакцинанинг биринчи компонентини олган, бу - вилоят аҳолисининг 46,5 фоизини ташкил қилади. Иккинчи компонентни олганлар эса 353 027 нафарни ёки вилоят аҳолисининг 48,1 фоизини ташкил этди», - дейди Айнагул Мусина.

Бугунги кунда вилоятда QazVac, Vero Cell, V спутник ва Comirnaty Pfizer вакциналари билан ревакцинациядан ўтиш имкониятига эга.

«Ақмола вилоятида Comirnaty Pfizer вакцинасининг биринчи компонентини 17 599 нафар аҳоли ёки тегишли аҳолининг 26,6 фоизи олган, улардан 348 нафари ҳомиладор аёллар, 3267 нафари эмизикли аёллар, 9779 нафари ўсмирлардир. Вакцинанинг иккинчи дозасини 16 964 киши (25,7 фоиз) олди. Ва, умуман олганда, ревакцинациядан ўтганлар сони 220 000 кишини ташкил этди. Вакцинага ножўя реакциялар қайд этилмаган», - дея хулоса қилди Айнагул Мусина.

Муаллиф: Аслан Оспанов