Абат Айимбетов расман Туркиянинг “Адана Демирспор” клубига ўтди

ASTANA. Kazinform - Қозоғистонлик футболчи Абат Айимбетов расман Туркиянинг “Адана Демирспор” клуби футболчисига айланди. Бу ҳақда жамоа матбуот хизмати хабар берди.

Шартнома 1,5+1 тизими асосида тузилган. У туркияликлар сафида сенегаллик ҳужумчи Мбайе Ньянгу ўрнини эгаллади.

Абат Айимбетов 1995 йил 7 августда Қизилўрда вилояти Орол туманида туғилган.

У футболдаги илк қадамини 2012 йилда "Ақтўбе" жамоасида бошлаган. Шундан сўнг Алматининг “Қайрат” ва пойтахтнинг “Астана” клубларида тўп сурган.

2019 йилдан буён у терма жамоа сафида 35 та ўйинда 9 та гол урди. У 2024 йилги Европа чемпионати саралаш босқичида терма жамоа сафида 9 ўйинда 3 та гол урди.

“Адана Демирспор” 2021/22 йилги мавсумдан буён Туркия Суперлигасида ўйнамоқда. Туркия Суперлигасининг 23-туридан кейин жамоа 31 очко билан саккизинчи ўринда бормоқда.