69,2 минг кишига уй-жой ижараси учун субсидиялар берилади - Вазир

ASTANA. Kazinform – Жорий йилда ижарага уй-жой олиш учун навбатда турган 69 200 нафар фуқарога субсидиялар берилиши режалаштирилган. Бу ҳақда ҚР Индустрия ва инфратузилмаларни ривожлантириш вазири Марат Қарабаев маълум қилди, дея хабар беради Kazinform мухбири.

«Жорий йилда 158 млрд 500 млн тенге миқдоридаги облигациялар ҳисобига 12 минг 100 та кредит хонадонлари қурилади. Бюджетда белгиланганидек, 20 млрд тенгега 2000 та имтиёзли кредит ажратилади. Шу билан бирга, навбатда турган 69 200 нафар фуқарога уй-жой ижараси учун 43 млрд тенге миқдорида субсидиялар бериш режалаштирилган. Бундан ташқари, 2021-2022 йилларда фойдаланишга топширилган 8800 хонадонли кредит уйларини навбатда турган фуқароларга сотиш учун Отбаси банкининг имтиёзли кредитлар ажратиш учун 103 млрд 500 млн тенге миқдорида қўшимча молиялаштириш зарур»

, - деди Марат Қарабаев Ҳукумат мажлисида.

Вазирнинг сўзларига кўра, ҳудудларда ижарага квартира сотиб олмоқчи бўлганлар сони ортиб бормоқда.

«Агар 166,2 млрд тенге ажратилса, навбатда турган 26 мингга яқин фуқаронинг уй-жой масаласи ҳал бўлади. Ҳозир биз Молия вазирлиги билан биргаликда тегишли маблағ ажратиш масаласини ишлаб чиқяпмиз»

, - дейди у.

Муаллиф: Даулет Изтилеу

Фото: primeminister.kz