2045 йилга бориб Европада саратон касаллигига чалинадиганлар 20 фоиздан ошади

ASTANА. Кazinform - Бутунжаҳон саратонга қарши кураш куни арафасида чоп этилган янги ҳисобот бутун дунё бўйлаб саратон касаллиги кўпайиб бораётганини кўрсатди, деб ёзади Euronews.

Халқаро онкология тадқиқотлари агентлигининг (IARC) янги маълумотларига кўра, кейинги йигирма йил ичида Европада саратон билан касалланганлар сони 22,5 фоизга ошади.

Бугунги кунда тахминан ҳар бешинчи одам саратон касаллигига чалинади ва ҳар тўққиз эркак ва ҳар ўн икки аёлдан бири саратон касаллигидан вафот этади.

Саратон кўпайиши билан онкологик касалликлар билан боғлиқ ўлимлар 2022 йилдаги 9,7 миллиондан 2045 йилда 16,6 миллионгача ошади.