2023 йилнинг 2 ойида Ўзбекистон Қозоғистонга 320 минг долларга пайпоқ экспорт қилган

TASHKENT. Kazinform – ЎР Статистика агентлигининг дастлабки маълумотларига кўра, Ўзбекистон 2023 йил январь-февраль ойларида 12 та хорижий давлатларга қиймати 10,2 млн AҚШ долларига тенг бўлган пайпоқ экспорт қилган, деб хабар беради Kazinform агентликнинг расмий Telegram-каналига таяниб.

Пайпоқ экспорти қиймати ўтган йилнинг мос даври билан солиштирилганда 3 млн AҚШ долларига ошган.

2023 йилнинг 2 ойида Ўзбекистон энг кўп пайпоқ экспорт қилган давлатлар:

Россия – 6 млн;

Қирғиз Р. – 3,1 млн;

Қозоғистон – 320 минг;

Германия – 268 минг;

Молдова – 262 минг АҚШ доллари.

Фото: ЎР Статистика агентлиги