1215 қурол ва 22 000 ўқ-дори қайтарилди – ҚР ИИВ

NUR-SULTAN. Kazinform – Январ воқеаларида ўғирланган 1215 дона қурол ва 22 минг дона ўқ-дорилар қайтарилди. Бу ҳақда Мажилисда ҚР Ички ишлар вазири Марат Ахметжанов маълум қилди, дея хабар беради Kazinform мухбири.

Унга кўра, тергов жиноий иш юритишнинг уч босқичли моделига мувофиқ олиб борилмоқда. Яъни, терговчиларнинг барча муҳим қарорлари прокурор томонидан фильтрланади. Шундай қилиб, жараённинг адолатлилиги уч босқичли назорат орқали таъминланади. Гумонланувчиларнинг конституциявий ҳуқуқлари тўлиқ таъминланган.

«Ходимлар томонидан ўз ваколатларини суиистеъмол қилиш ҳолатлари бўйича терговга қадар текширув бошланди. Холислик учун ушбу ишлар прокуратура ва коррупцияга қарши кураш хизматига ўтказилди. Текширувлар видеога ёзиб олинган. Бунда гумонланувчиларнинг адвокатлари ҳам иштирок этмоқда», - деди у.

Вазир, шунингдек, ноқонуний муомалада ҳали ҳам кўплаб қуроллар борлигини айтди.

«Уни қайтариш учун барча ҳаракатлар қилинмоқда. Мамлакат бўйлаб махсус «Қурол» операцияси давом этмоқда. 1215 қурол ва 22 000 ўқ-дори қайтарилди. Бундан ташқари, фуқаролар ўз ихтиёри билан 120 та қурол-яроғни топширди», - деди Марат Ахметжанов.

Муаллиф: Марлан Жиембай