11 нафар қозоғистонлик теннисчи Австралия очиқ чемпионатида иштирок этади
11 нафар қозоғистонлик теннисчи Австралия очиқ чемпионати иштирокчилари рўйхатига кирди, деб хабар беради Kazinform мухбири.
Қозоғистон теннис федерацияси матбуот хизмати хабарига кўра, яккалик баҳсларида асосий турнирда Елена Рибакина, Юлия Путинцева ва Александр Бублик иштирок этишади. Жуфтликлар баҳсида Анна Данилина ва Александр Недовесов куч синашади.
Австралия очиқ чемпионатининг саралаш босқичида Бейбит Жуқаев ва Денис Евсеев куч синашади.
Ўсмирлар ўртасидаги Австралия очиқ чемпионатида Амир Омарханов ва Асилжан Аристанбекова илк бор асосий баҳсда кортга чиқади. Саралаш баҳсларида Даниал Раҳматуллаев ва Виталий Зацепин ҳам иштирок этади.
Ўтган йили Қозоғистоннинг биринчи ракеткаси Елена Рибакина Австралия очиқ чемпионатида финалгача етиб борган эди.
Эслатиб ўтамиз, аввалроқ қозоғистонлик ёш теннисчи Тунисдаги мусобақада ярим финалга йўлланма олгани ҳақида ёзган эдик.
Муаллиф: Ғайсағали Сейтақ
