Жорий йилда Қозоғистондан қайси давлатларга гўшт маҳсулотлари экспорт қилинди

ASTANA. Kazinform — ҚР Савдо ва интеграция вазирлиги қўшни давлатлар ва Европа Иттифоқига қишлоқ хўжалиги маҳсулотларини экспорт қилиш ҳажми ҳақида маълумот берди.

“Жорий йилнинг биринчи чорагида Қозоғистондан Россия, Қирғизистон, Беларусь, Ўзбекистон, Қатар ва Озарбайжонга 17,9 миллион долларлик 10,8 минг тонна паррандачилик маҳсулотлари экспорт қилинди. Бундан ташқари, Ўзбекистон, Қатар, БАА, Қувайт, Саудия Арабистони, Эрон, Тожикистон ва Иорданияга 8,6 миллион долларга 4,6 минг тонна қўй гўшти экспорт қилинди”, - дейилади вазирлик Kazinformга берган жавобида.

Жорий йилнинг биринчи чорагида Хитой ва Европага гўшт ва бошқа маҳсулотлар экспорт қилинмаган. 

“Шунга қарамай, Хитойда кўпайган қишлоқ хўжалиги маҳсулотларининг қуйидаги турларига эътиборингизни қаратмоқчимиз. Жумладан, кунгабоқар ёғи 65,4 миллион долларга (ўсиш 2,4 баробар), зиғир уруғи 39,2 миллион долларга (ўсиш 3 баробар), кунгабоқар уруғлари 30,3 миллион долларга (ўсиш 66,6 фоизга), арпа ва дуккакли экинларни қайта ишлаш қолдиқлари 14,1 миллион долларга (ўсиш 55,7 фоиз) етди. Шунингдек, Европа Иттифоқига буғдой 53,9 миллион долларга (ўсиш 47,7 фоиз), зиғир уруғи 39,2 миллион долларга (ўсиш 2,6 баробарга), рапс 15,3 миллион долларга (ўсиш 7,9 баробар), қуруқ сабзавот ва дуккаклилар 7,7 миллион долларга (ўсиш 20 баробар) экспорт қилинди”, - дейилади вазирлик хабарида. 

Эслатиб ўтамиз, аввалроқ Қишлоқ хўжалиги вазирлиги Қозоғистон ўтган йили қайси давлатларга қанча гўшт экспорт қилганини маълум қилган эди.