Жорий йилда Қозоғистонда қайта тикланадиган энергия манбаларидан 9 та объект фойдаланишга топширилади

ASTANA. Kazinform – Жорий йилда Қозоғистонда қайта тикланадиган энергия манбаларидан 9 та объект фойдаланишга топширилади. Бу ҳақда ҚР Энергетика вазирлигининг қайта тикланадиган энергия департаменти директори Жаслан Қасенов маълум қилди.

“Қозоғистон бўйлаб 156 та қайта тикланувчи энергия манбалари, жумладан, 63 та шамол ва 48 та қуёш электр станцияси ишга туширилди. 2025 йилда умумий қуввати 455,5 МВт бўлган яна 9 та объект ишга туширилади. Хитой, Франция, БАА ва Россия стратегик инвесторлари Қозоғистон билан умумий қуввати тахминан 5 ГВт бўлган лойиҳаларни биргаликда амалга оширишни режалаштирмоқда”, – деди у Power Central Asia + China минтақавий энергетика форумида энергетика соҳасидаги асосий ютуқлар ва истиқболдаги режалар ҳақида гапирар экан.

Шунингдек, у Ҳукуматнинг асосий мақсади - мамлакат энергетика балансида қайта тикланадиган энергия манбаларининг улушини 15 фоизга етказиш эканлигини таъкидлади.

“Шу мақсадда 2030 йилгача умумий қуввати 2258 МВт бўлган 91 та янги лойиҳани ишга тушириш режалаштирилган. Бу қайта тикланадиган энергия манбаларининг умумий ўрнатилган қувватини 10 ГВтга етказади”, – дейди департамент бошлиғи.