ЖЧ: Канада хоккей жамоаси пешқадамликни қўлга киритди

ASTANA. Kazinform – Шайбали хоккей бўйича 2025 йилги жаҳон чемпионатининг элита дивизионида 15 май куни бўлиб ўтган сўнгги икки ўйин натижалари маълум бўлди.

Икки ўйиндан бирида “А” гуруҳида Канада терма жамоаси Австрияни 5:1 ҳисобида мағлуб этди.

Ўйин давомида аввал австриялик хоккейчи ҳисобни очди. Улар сафидан Винценц Рорер 11-дақиқада гол урди.

Шундан сўнг, Канада жамоаси сафидан Натан Маккиннон 21 ва 33-дақиқаларда, Трэвис Конечни 48-дақиқада, Уилл Кайлли 51-дақиқада ва Сидни Кросби 58-дақиқада гол урдилар.

Шу тариқа Канада 12 очко билан биринчи ўринга кўтарилди.

Яна бир учрашувда “В” гуруҳида Чехия жамоаси Венгрияни 6:1 ҳисобида мағлуб этди.

Ўйинда чехиялик Давид Пастрняк 17 ва 43-дақиқаларда, Якуб Флек 19-дақиқада, Петр Кодитек 29-дақиқада, Ондржей Беранек 46-дақиқада ва Лукаш Седлак 47-дақиқада гол урдилар.

Венгрия жамоаси номидан эса Андраш Михалик 35-дақиқада битта гол билан жавоб қайтарди.

Шунингдек, 15 май куни “А” гуруҳида Финляндия Словенияни 9:1 ҳисобида мағлуб этган бўлса, “В” гуруҳида Швейцария Германияни 5:1 ҳисобида енгди.

Бугун, 16 май куни “А” гуруҳида Австрия – Франция, Швеция – Словения, “В” гуруҳида Венгрия – Дания, Швейцария – Норвегия ўйинлари бўлиб ўтади.