Жанубий Корея мухолифати етакчиси пичоқланди

«Тобуро» Демократик партияси етакчиси Ли Чжэ Мён Пусандаги аэропорт қурилишига ташриф буюрганида номаълум шахслар томонидан ҳужумга учраган. Йиқилиб, қон йўқотган сиёсатчи зудлик билан шифохонага етказилган. Бу ҳақда Kazinform агентлиги Yonhapга таяниб хабар беради.

Агентлик ҳужумчи воқеа жойида қўлга олинганини айтди.

Жанубий Корея президенти Юн Сок Ёл зудлик билан тергов ўтказишни буюрди ва Лини қўллаб-қувватлашини билдирди, - деб ёзади президент девони.

“Юн жамиятимиз ҳеч қачон, ҳеч қандай шароитда бундай зўравонлик ҳаракатларига тоқат қилмаслиги кераклигини таъкидлади”, — дейилади баёнотда.

Соннамнинг собиқ мэри Ли Чжэ Мён 2022 йил ўрталаридан бошлаб «Тобуро» демократик партиясини бошқаради. У 2022 йилнинг март ойида бўлиб ўтган президентлик сайловида Юн Сок Ёлга озгина овоз билан ютқазди.

​