Жанибек Алимханулининг Астанадаги жанги қайси телеканалда намойиш этилади

ASTANА. Кazinform - Астана шаҳрида қозоғистонлик Жанибек Алимханули (16-0, 11 КО) ва франциялик Анауэл Нгамиссенге (14-0, 9 КО) ўртасидаги жанг қайси телеканалда кўрсатилиши маълум бўлди.

5 апрель куни пойтахтдаги “Барс Арена” спорт мажмуасида бокс мусобақаси бўлиб ўтади.

Жанибек Алимханули ўрта вазн тоифасида IBF ва WBO йўналишлари бўйича чемпионлик камарини ҳимоя қилади.

Бокс оқшоми «Qazsport» ва «Qazaqstan» телеканалларида жонли эфирда намойиш этилади.

Жанибек Алимханули 1993 йил 1 апрелда туғилган.2013 йилда ҳаваскор бокс бўйича жаҳон чемпиони бўлган, ўша йили Осиё чемпионатида шоҳсупага кўтарилган.

2015 йилдан буён у профессионал боксдаги 16 та жангнинг барчасида ғалаба қозонган.

Бокс оқшоми дастурида қозоғистонлик бошқа спортчилар ҳам рингга кўтариладилар. Хусусан, мухлислар Султан Заурбек ва Азинга Фузиле, Батир Жукембаев ва Кейн Гарднер, Балауса Муздиман ва Розалинда Родригес ўртасидаги жангни томоша қилиш имконига эга бўладилар.

Бундан ташқари, профессионал рингда ака-ука Маҳмуд ва Тўрехан Сабирхан, шунингдек, ўзбекистонлик Баҳодир Жалоловнинг ҳам чиқишлари режалаштирилган.

Эслатиб ўтамиз, ХОҚ Ижроия қўмитаси боксни Олимпиада дастурига киритишни таклиф қилди.