Зеленский баҳорги ҳарбий чақирувни бекор қилди

КIEV. Kazinform - Украина Президенти Владимир Зеленский душанба куни жорий йилги баҳорги муддатли ҳарбий хизматга чақиришни бекор қилиш ҳақидаги фармонни имзолади, дея хабар бермоқда Kazinform ТАSSга таяниб.

Матни Украина Президенти канцеляриясининг сайтида эълон қилинган ҳужжат 2021 йил 29 декабрдаги «Ҳарбий хизматчиларни муддатли ҳарбий хизматни ўташ учун захирага ўтказиш ва 2022 йилда ҳарбий хизматга Украина фуқароларини мунтазам равишда чақириш ва муддатли ҳарбий хизматга чақириш тўғрисида»ги фармонга ўзгартиришлар киритишни назарда тутади. Апрел-июн ойларида навбатдаги чақирув бекор қилинади.

Фармонда, шунингдек, муқаддам муддатли ҳарбий хизматга чақирилган шахсларни демобилизация қилиш муддати кечиктирилган. Уларни захирага ўтказиш «белгиланган тартибда демобилизация эълон қилинганидан олдин» амалга оширилмайди.

24-феврал куни бутун Украинада ҳарбий ҳолат жорий этилди. 15 март куни Рада амал қилиш муддатини 26 мартдан яна 30 кунга узайтирди.