Япониядан Ўзбекистонга 6,8 минг нафар турист келган
09:14, 28 Июнь 2025
TASHKENT. Kazinform - Миллий статистика қўмитаси маълумотларига кўра, 2025 йилнинг январь-апрель ойларида жами 6,8 минг нафар Япония фуқаролари туристик мақсадларда Ўзбекистонга ташриф буюрган.
"Бу кўрсаткич ўтган йилнинг мос даври билан солиштирилганда 2,4 минг нафарга ёки 53,4 % га ошган", - дейилади хабарда.
Жорий йилнинг январь-апрель ойларида Ўзбекистонга ташриф буюрган Япония фуқаролари сафар мақсадлари бўйича қуйидагича:
сайёҳлик — 5 944 нафар
қариндошларни йўқлаш — 589 нафар
хизмат юзасидан — 221 нафар
ўқиш — 28 нафар
тижорат — 1 нафар