Январ ойида Кузбасс конидан рекорд даражада метан чиқиши қайд этилди

NUR-SULTAN. Кazinform - Коинот сунъий йўлдошлари ёрдамида атмосферани кузатувчи Канаданинг GHGSаt компанияси битта шахтадан энг кўп метан чиқишини маълум қилди. Бу Россиянинг Кемерово вилоятидаги Распадская кўмир кони, деб хабар беради Kazinform BBCга таяниб.

Компания рекорд метан чиқиши 14 январ куни бўлгани ва кондан соатига 90 тоннага яқин метан чиқарганини маълум қилди. Эмиссиянинг умумий миқдори юз минглаб уйларни иситиш учун етарли бўлар эди, лекин бунинг ўрнига ҳавога юзлаб тонна метан тарқалди. Иссиқхона эффекти нуқтаи назаридан, бу газ (унинг кимёвий формуласи CH4) карбонат ангидриддан 30 баравар хавфлидир, чунки у атмосферада иссиқликни анча кўпроқ ушлаб туради ва сайёрани иситади.

Олимларнинг ҳисоб-китобларига кўра, метан дунёдаги ўртача йиллик ҳароратнинг учдан бир қисми, баъзан ярми (30-50%) учун жавобгардир. Бош штаб-квартираси Монреалда жойлашган GHGSаt бешта орбитал сунъий йўлдошдан Ер атмосфераси таркиби ҳақидаги маълумотларни олади. Бештаси ҳам бугунги кунда коинотдаги энг илғор метан датчиклари билан жиҳозланган. Компаниянинг вазифаси метаннинг антропоген манбаларини аниқлаш ва унинг чиқиндиларини имкон қадар камайтиришдир. Компания мижозларининг аксарияти қазиб олинадиган ёқилғи ишлаб чиқариш билан шуғулланади.

Распадская кони Россиядаги энг йирик кўмир кони - умумий узунлиги тахминан 350 км бўлган катта ерости туннеллари мажмуаси бўлган коксланадиган кўмир ишлаб чиқаради. 2010 йилда у ерда Россия кўмир саноати тарихидаги энг катта фожиалардан бири рўй берди, Распадскаяда бир неча портлашлар содир бўлиб, 90 га яқин одам ҳалок бўлди.