Венгриядаги турнирда қозоғистонлик тўртинчи боксчи финалга чиқди

ASTANА. Кazinform – Венгриянинг Дебрецен шаҳрида бокс бўйича ўтказилаётган халқаро турнирда тўртинчи қозоғистонлик боксчи финалга чиқди, деб хабар беради Kazinform мухбири.

Халқаро турнирда 92 кг вазн тоифасидаги Айбек Оралбай ярим финалда германиялик боксчи Марко Прятлячич билан куч синашди.

Жанг жараёнида у рақибидан яхшироқ ҳаракат қилди. Натижада ҳакамлар ғалабани қозоғистонлик боксчига беришди.

Айбек терма жамоадан финалга чиққан тўртинчи боксчи бўлди.

Бунгача Темиртас Жусипов (48 кг), Серик Темиржанов (57 кг), Дулат Бекбауов (67 кг) финалга чиқди.

Қозоғистонлик мураббийлар мазкур турнирга терма жамоа таркибида 13 нафар боксчини олиб боришди.

Муаллиф: Адилжан Умбет