Венгрия — Европадаги энг хавфсиз сайёҳлик йўналишларидан бири

ASTANА. Кazinform – Венгрия Европадаги энг тинч ва хавфсиз сайёҳлик йўналишларидан бири сифатидаги нуфузини яна бир бор тасдиқлади. Туризм мутахассисларининг фикрича, бу мамлакатда жиноятчилик даражаси паст ва хорижлик меҳмонлар учун қулай.

АZERTAG агентлигининг BBJ бизнес журналига таяниб хабар беришича, Будапешт, Дебрецен ва Сегед каби машҳур шаҳарлар тоза кўчалари, ривожланган инфратузилмаси ва маҳаллий аҳолининг меҳмондўстлиги билан сайёҳларни ўзига тортади. Саёҳатчиларнинг таъкидлашича, ҳатто кечқурун ҳам кўчаларда бемалол сайр қилиш ва эски квартал муҳитидан баҳраманд бўлиш мумкин.

Венгрия Туризм вазирлиги маълумотларига кўра, ҳар йили чет эллик меҳмонлар сони ортиб бормоқда. Бу сайёҳларнинг мамлакатга бўлган ишончидан далолатдир. Шу муносабат билан расмийлар саёҳатчилар учун хавфсизлик ва хизмат кўрсатиш сифатини оширишга фаол сармоя киритмоқда.

Бундан ташқари, мутахассислар сайёҳларга машҳур жойларда эҳтиёт чораларини кўриш ва шахсий буюмларига эҳтиёт бўлишни тавсия қилади.

Эслатиб ўтамиз, аввалроқ Венгрияда туғилиш даражаси кескин камайгани ҳақида хабар берган эдик.