Велоспорт бўйича Осиё чемпионати: Қозоғистон яна бир медални қўлга киритди

ASTANA. Kazinform – Ҳиндистон пойтахти Деҳли шаҳрида велоспорт бўйича катталар ўртасида ўтказилаётган 43-Осиё чемпионатида Қозоғистон саватчаси яна бир медаль билан тўлдирилди.

Қозоғистон Республикаси Спорт ва жисмоний тарбия қўмитаси хабарига кўра, мамлакат эркаклар терма жамоаси (Алишер Жумакан ва Рамис Динмухаметов) “Мэдисон” мусобақасида бронза медалини қўлга киритди.

Бу Алишер ва Рамис учун Деҳлидаги ушбу чемпионатдаги биринчи соврин эмас. Бир неча кун аввал Алишер балл тўплаш баҳсларида кумуш, Рамис эса бронза медалини қўлга киритган эди.

Шундан сўнг «кейрин» дастурида Терма жамоанинг икки спортчиси ТОП-10 га кирди. Сергей Пономарев 9-ўринни, Андрей Чугай 10-ўринни эгаллади.

Айни пайтда Қозоғистон терма жамоаси ҳисобида 1 та кумуш ва 4 та бронза бор. Бу йил Сариқ қитъа мусобақасида 23 давлатнинг энг яхшилари тўпланиб, ўзаро энг кучлиларини аниқламоқда. Мазкур чемпионатда юрт шарафини 9 нафар спортчи ҳимоя қилмоқда. Осиё чемпионати бугун, 26 февраль куни якунланади.