Ўзбекистонда машҳур “Бек Барака” бозори директори ўринбосари 20 000 доллар билан қўлга олинди

МХХ машҳур “Бек Барака” бозори директори ўринбосарини қўлга олди, деб хабар беради Kazinform UzA Telegram-каналига таяниб.

Маълум қилинишича, Тошкент вилоятининг Зангиота туманида жойлашган “Бек Барака ихтисослашган савдо комплекси” МЧЖ директори ўринбосари фирибгарлик йўли билан бозор балансидаги янги типда қурилган енгил конструкцияли савдо дўконини сотмоқчи бўлган.

“У ўзининг юқори лавозимларда ишловчи танишлари орқали тадбиркорлик билан шуғулланмоқчи бўлган фуқарога олиб бериш эвазига 20 минг АҚШ доллари олган вақтида Давлат хавфсизлик хизматининг Тошкент шаҳар бўйича бошқармаси ходимлари томонидан Департаментнинг шаҳар бошқармаси билан ўтказилган фаол тадбирда ушланди”, - дейилади хабарда.