09:10, 04 Декабр 2024

Ўзбекистонда хорижий давлатларга ишга юборишни ваъда қилган фирибгарлар ушланди

TASHKENT. Kazinform – Ўзбекистон Бош прокуратураси ҳузуридаги Департаментнинг Ургут тумани бўлими ва ДХХ ходимлари ҳамкорлигида ўтказилган тезкор тадбирда фуқаролар С.А. ва С.М. фуқаролар А.Н. ва Б.Т.нинг ишончига кириб, уларни 22 000 АҚШ доллари эвазига Америка Қўшма Штатларига юборишини ваъда қилишиб, олдиндан 15 400 АҚШ долларини олган вақтида ашёвий далиллар билан ушланган, деб хабар беради Kazinform агентлиги Департаментнинг матбуот хизматига таяниб.

Коллаж: Departament.uz

Департаментнинг Учтепа тумани бўлими, ДХХ ва ИИВ ходимлари ҳамкорлигида ўтказилган тезкор тадбирда фуқаро Х.И. фуқаро О.Б.нинг ишончига кириб, унга танишлари ёрдамида 2 500 АҚШ доллари эвазига Литва давлатига ишга бориши учун ҳужжатларини расмийлаштириб, виза олиб беришини айтиб, шундан 1 500 АҚШ долларини олган вақтида ашёвий далиллар билан ушланган.

Шу каби, Департаментнинг Навоий шаҳри бўлими ва ИИБ ходимлари ҳамкорлигида ўтказилган тезкор тадбирда фуқаролар Н.Ш. ва Н.Б. фуқаро М.С.нинг ишончига кириб, уни Жанубий Корея давлатига 6 ойлик мавсумий ишга юборишлари эвазига 2 000 АҚШ долларини олган вақтида ашёвий далиллар билан ушланганлар.

Департаментнинг Бекобод шаҳри бўлими ва ДХХ ходимлари ҳамкорлигида ўтказилган тезкор тадбирда фуқаро М.Ш. фуқаролар Б.Д. ва С.Д.ни Туркия давлатига боришлари учун танишлари орқали депортини ечиб, виза олиб бериши эвазига 1 000 АҚШ долларини олган вақтида ашёвий далиллар билан ушланган.

Мазкур ҳолатлар юзасидан Ўзбекистон Республикаси Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

Эслатиб ўтамиз, Ўзбекистонда Қизил китобга киритилган Йўлбарс питонини уйида сақлаб келган фуқаро ушлангани ҳақида хабар берган эдик.

Ўзбекистон Жиноят Марказий Осиё хабарлари
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.