Ўзбекистонда эркак конда тош босиб қолиши оқибатида вафот этди

Андижон вилоятида Булоқбоши туманидаги конда 46 ёшли эркакнинг устига тош юмалаб, босиб қолди. Оқибатда у воқеа жойида вафот этди, деб хабар беради Kazinform агентлиги Gazeta.uzга таяниб.

25 ноябрь куни Андижон вилояти Булоқбоши туманидаги шахтада ишлаётган 46 ёшли эркак эҳтиётсизлик оқибатида вафот этди. Бу ҳақда ЎР Бош прокуратура матбуот хизмати маълум қилган.

Ҳодиса соат 10:00 да «Муҳаммад Тош» конида содир бўлган. Эркак тош чиқараётган вақтида эҳтиётсизлиги оқибатида устига тош юмалаб кетиб, босиб қолган. Оқибатда у воқеа жойида ҳалок бўлган.

Марҳумнинг хотини ва икки фарзанди бўлган. Ҳозирда туман ИИБ тергов бўлими томонидан суриштирув ишлари олиб борилмоқда.