Ўзбекистонда чет эл инвестициялари иштирокидаги корхоналар сони маълум қилинди

TASHKENT. Kazinform — Миллий статистика қўмитаси маълумотларига кўра, Ўзбекистонда 2025 йилнинг 1 июнь ҳолатига 16 405 та чет эл инвестицияси иштирокидаги корхоналар фаолият кўрсатмоқда.

Уларнинг 4 087 таси қўшма ва 12 318 таси хорижий корхоналардир.

Бу кўрсаткич ўтган йилнинг мос даврига нисбатан солиштирганда 14,3 фоизга ошган.

Чет эл инвестицияси иштирокидаги корхоналар давлатлар кесимида қуйидагича:

• Хитой – 4 068 та
• Россия – 3 086 та
• Туркия – 1 997 та
• Қозоғистон – 1 136 та
• Афғонистон – 682 та
• Жанубий Корея – 674 та
• БАА – 368 та
• Ҳиндистон – 326 та
• АҚШ – 320 та

Эслатиб ўтамиз, аввалроқ 1 май ҳолатига Ўзбекистонда чет эл инвестициялари иштирокидаги корхоналар сони 7,6 % га ошгани ҳақида хабар берган эдик.