Ўзбекистонда 10 ойда 20 190 та электромобиль импорт қилинган

TASHKENT. Kazinform - Статистика агентлигининг дастлабки маълумотларига кўра, Ўзбекистон 2024 йилнинг январь-октябрь ойларида хориждан қиймати 202,7 млн АҚШ долларига 20 190 та электромобиль импорт қилган, деб хабар беради Kazinform агентликнинг расмий Telegram-каналига таяниб.

Электромобиллар импорти ўтган йилнинг мос даври билан солиштирилганда 6 730 тага ошган.

10 ойда Ўзбекистон энг кўп электромобиль импорт қилган давлатлар:

— Хитой – 20 082 та

— Қозоғистон – 51 та

— Гонконг – 17 та

— Германия – 14 та

— БАА – 10 та

— АҚШ – 10 та.

Эслатиб ўтамиз, Ўзбекистонда ҳар 1000 кишига ўртача нечта енгил автомобиль тўғри келиши ҳақида хабар берган эдик.