Ўзбекистон президенти Шавкат Мирзиёев 28 декабрь куни озиқ-овқат маҳсулотларининг асосий турлари нархлари барқарорлигини таъминлашга қаратилган қарорни имзолади. Бу ҳақда Gazeta.uzга ҳукуматдаги манба маълум қилди, дея хабар беради Kazinform.
Ҳужжатда 2025 йил 1 январга қадар янги сўйилган, совитилган ёки музлатилган уй паррандаси гўшти, балиқ, сут, сариёғ, тухум, банан, цитрус мевалар, пиёз ва бир қатор сабзавотлар, қаҳва, чой, ўсимлик ёғи, ун, дон, макарон, хамир маҳсулотлари, сув, соч учун воситалар, болалар кийимлари ва бошқаларга (тўлиқ рўйхатни ҳаволалар орқали кўриш мумкин) божхона божи ноль ставкалари муддати узайтирилди.
2024 йил охиригача савдо-иқтисодий муносабатлари ноқулай бўлган мамлакатлардан келаётган товарларга икки баравар божхона тўловлари ставкалари қўлланилмайди.
Инвестицияларни жалб этиш, ишлаб чиқаришни ривожлантириш ва савдони тартибга солиш бўйича ҳукумат комиссиясига 1 февралга қадар шакар нархининг кескин ошишига йўл қўймаслик ва ишлаб чиқариш барқарорлигини таъминлаш юзасидан президент маъмуриятига таклиф тайёрлаш топширилди.
Шунингдек, 1 октябрга қадар комиссия жорий чегирмаларнинг самарадорлигини баҳолаб, уларни давом эттириш бўйича таклиф тайёрлаши керак.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.