Ўзбекистон иқтисодиёти ярим йилда 7,2 фоизга ўсди

TАSHKENT. Kazinform – Январь-июнь ойлари оралиғида Ўзбекистон ялпи ички маҳсулоти 7,2 фоизга ошди. Бу ўтган йилнинг шу даврига нисбатан 1,1 фоизга кўпроқ, деб хабар беради Kazinform агентлигининг Ўзбекистондаги мухбири Алихан Асқар.

Ўзбекистон Давлат статистика қўмитаси маълумотларига кўра, қурилиш соҳасида 10,7 фоиз ўсиш қайд этилди. Шунингдек, қишлоқ, ўрмон ва балиқ хўжалиги ҳамда йўловчи ташиш йўналишларидаги лойиҳалар ижобий самара бере бошлади.

Шу билан бирга, инфляция ўтган йилги 5,2 фоиздан 4,2 фоизгача пасайди, аҳоли даромадлари эса 11,9 фоиздан 9,5 фоизгача камайди.

Қўшимча қилиб ўтамиз, аввалроқ Ўзбекистонда қазақстанлик капитал иштирокидаги корхоналар сони кўпайгани ҳақида хабар берилган эди. Ярим йил ичида юртимиз томонидан Ўзбекистонда 116 та корхона ташкил этилди. Ҳозирги кунда расмий Тошкентда қазақстанлик капитал билан фаолият юритаётган корхоналар сони 1 157 тани ташкил қилмоқда.

Шунингдек, Ўзбекистоннинг олтин-валюта захиралари 1,1 миллиард долларга камайди ва мамлакат ташқи қарзи 68,4 миллиард долларга етди.