Туркияда шахта қулаб тушди ва 7 киши тупроқ остида қолиб кетди

ASTANA. Kazinform – Туркиянинг Зонгулдак вилояти Эрели туманида кўмир шахтаси қулаб тушди. Воқеа жойида полиция, қутқарувчилар ва шифокорлар ишламоқда, дея хабар беради Kazinform TRT Haber агентлигига таяниб.

Губернатор Усмон Ҳажибекташ оглу TRT Haber каналига маълум қилишича, конда 280 киши бўлган, улардан 7 нафари жароҳатланган.

Олти нафари қутқариб олинди. Бир киши вайроналар остида вафот этди.

Уларни қутқариш учун 75 киши сафарбар қилинган.

Кейинчалик маълум бўлишича, тўрт киши ишлаётган шахтанинг томи қулаб тушган.

Соғлиқни сақлаш вазири Фахреттин Хўжа, шахта ҳалокатида жароҳатланган 2 киши ва оёғидан жароҳат олган бир киши даволаниб, уйига жўнаб кетганини маълум қилди.

Қолган 3 кишининг даволаш тез ёрдам хонасида давом этмоқда. Уларнинг аҳволи барқарор.

TRT Haber ҳалок бўлган ва яраланган ишчиларнинг исмларини эълон қилди.

TTK Armutçuk корхонасига тегишли шахтада жами 7 нафар ишчи тан жароҳати олди. Ишчилардан бири, 45 ёшли Рамазон Йилдирим вафот этди.

41 ёшли Кошкун Аталай, 49 ёшли Рифат Ўзтурк, 44 ёшли Ергун Устун, 39 ёшли Ерсин Айдин, 31 ёшли Сержан Ҳасан ва 23 ёшли Талха Йилмаз жароҳат олган.