Туркияда илк бор «чой кутубхонаси» очилди

ANKARA. Kazinform – Мамлакатда «чой пойтахти» сифатида машҳур бўлган Ризе шаҳридаги Р.Эрдоған университети деворлари ичида Туркияда ноёб кутубхона очилди, дея хабар беради Kazinform мухбири TRT Haberга таяниб.

Кутубхонада чой ҳақида турк ва инглиз тилларида жами 938 та китоб, журнал, докторлик диссертациялари, мақолалар ва тадқиқотлар мавжуд. Нашрларда турк аҳолиси орасида энг машҳур ичимликлардан бири бўлган чойнинг навлари, энг фойдали навлари, ичиш маданияти, ўсаётган ҳудудлари ҳақида кўплаб маълумотлар мавжуд.

Университет ректори Х.Караманнинг таъкидлашича, бундай мавзули кутубхоналар ўқувчининг у ёки бу маълумотни излаш учун кўп вақтини бой бермай, керакли билимлар билан бойитишига хизмат қилади.

«Университетимизнинг чой кутубхонасида барчанинг севимли ичимлики ҳақида туркий ва хорижий материалларнинг кўп қисмини тўплашга ҳаракат қилдик. Баъзи нашрларни элчихоналаримиз ва консулликларимиз туфайли турли мамлакатлардан олдик. Китоб фондимизни янада тўлдириш учун бу жараён давом эттирилади», - деди ректор.

Бундан ташқари, университетда Қора денгиз ҳақидаги яна бир бой кутубхона мавжуд бўлиб, унда 734 та асар мавжуд.

Муаллиф: Ақжигит Чукубаев