Туркия президенти сиёсатдан кетиши мумкинлигига шама қилди

ASTANA. Kazinform – Эрдоған 31 март куни бўлиб ўтадиган муниципал сайловлар унинг охиргиси бўлиши мумкинлигини айтди. Сиёсатчи АКП консерваторлари 2028 йилда президентликдан кетганидан кейин ҳам ҳокимиятда қолишларига ишонч билдирди, деб ёзади DW.

Туркияда март ойи охирида бўлиб ўтадиган муниципал сайловлар мамлакатнинг амалдаги президенти Режеп Таййип Эрдоған учун охиргиси бўлади. Бу ҳақда давлат раҳбари 8 март, жума куни TUGVA ёшлар ташкилоти йиғилишида маълум қилди. Эрдоған қонунчилик томонидан ўзига берилган ваколатларга тўхталди.

Шу билан бирга, 70 ёшли сиёсатчи ўзи етакчилик қилаётган консерватив Адолат ва тараққиёт партияси Эрдоған давлат раҳбари лавозимини тарк этганидан кейин ҳам ҳокимиятда қолишига ишонч билдирди.

Режеп Таййип Эрдоған 20 йилдан ортиқ ҳокимият тепасида. 2003 йилда у биринчи марта Бош вазир, 2014 йилда эса Президент этиб сайланган.

2018 йилда Эрдоған юқори давлат лавозимига қайта сайланди. 2023 йилда президентлик сайловларида яна ғалаба қозонди, лекин фақат иккинчи турда мухолифатнинг ягона номзоди Кемал Киличдароглудан устун келди. Амалдаги давлат раҳбарининг ваколат муддати 2028 йилда тугайди.