Туркия Исроилга кириши мумкин – Эрдоған

Туркия Тоғли Қорабоғ ва Ливияга киргани каби исталган вақтда Исроилга кириши мумкин, деди Республика Президенти Режеп Таййиб Эрдоған.

“Биз Қорабоғ ва Ливияга кирганимиздек уларга (Исроилга) ҳам шундай қиламиз. Имконсиз нарсани ўзи йўқ. Бундай қадамлар ташлаш учун фақат кучли бўлишимиз керак”, — дея Эрдоғаннинг сўзларини келтиради Halk TV.

Шу тариқа у Фаластинни ҳар қандай йўл билан қўллаб-қувватлашга тайёр эканлигини яна бир бор эълон қилди, деб хабар беради телекомпания Эрдоғаннинг баёнотидан.

Маҳаллий матбуотнинг эслатишича, ўтган йилнинг ноябрь ойида Туркия парламенти Қорабоғдаги ўт очишни тўхтатиш режими ва барча ҳарбий ҳаракатларни кузатиш учун жойлаштирилган Россия-Туркия қўшма мониторинг маркази таркибида республика қуролли кучларининг Озарбайжондаги миссиясини узайтирган эди. Шунингдек, 2023 йил ноябрь ойида Туркия Мажилиси Ливияда ҳарбий кучларнинг бўлиш мандатини 24 ойга узайтирди. У Туркия ва Миллий келишув ҳукумати ўртасида имзоланган ҳарбий ҳамкорлик шартномасига асосланади.

Эрдоғон, шунингдек, Фаластин президенти Маҳмуд Аббос Туркиянинг 24 июль куни Исроил Бош вазири Биньямин Нетаньяхунинг АҚШ Конгрессидаги нутқи билан параллель равишда Республика парламентида чиқиш қилиш таклифига жавоб бермаганини айтди. Аввалроқ Эрдоғон Аббосга телефон қилиб Анқара таклифига жавоб бермагани учун узр сўраган эди.

24 июль куни Нетаньяху АҚШ Сенати ва Вакиллар палатасининг қўшма мажлисида Фаластиннинг ХАМАС ҳаракати қуролларини ташлаб, гаровга олинганларни қўйиб юборса, Ғазо секторидаги ҳарбий амалиётни якунлашини айтди. Вазирлар маҳкамаси раҳбари “Ўсиб бораётган Эрон таҳдидига қарши туриш учун” НАТО каби Яқин Шарқда хавфсизлик бўйича иттифоқ тузишга чақирди.