Туркистонлик ёшлар ҳар йили эҳтиёжманд оилалар учун уй-жой қуриб беришади

TÜRKISTAN. Кazinform - Бу йил 9 та фарзанди бор оила уйли бўлди.

Бу йил “Бекзат” микрорайонидаги 1994 йилда туғилган йигитлар бирлашиб, 4 хонали бошпана қуришди. Улар уйни зарур маиший техника билан таъминлаб, эҳтиёжманд оилага совға қилишди.

– Барча қурилиш ишларини ўзимиз бажарганмиз. Биз уйни пул йиғиб, замонавий стандартларга жавоб берадиган тарзда қурдик. Ўйлаб, янги уйни кўп болали оилага беришга қарор қилдик. Хайрли ишга ҳисса қўшган барча фуқаролар ва ҳомийларга ўз миннатдорчилигимизни билдирамиз. Бу эҳтиёжманд оилалар учун қурилган 18-уйдир, – дейди хайрли иш ташкилотчиларидан бири Бексултан Абишов.

“Бекзат” ёшлари қурган уй Асилбековлар оиласига топширилди. Оила соҳиби Қурбонали турмуш ўртоғи Мўлдир билан бир неча йилдан буён 9 нафар фарзанди билан ижарада яшаб келмоқда. Ўз навбатида, хайриянинг савобини кўрган оила аъзолари ҳам эзгулик иштиёқида бўлганларга ўз миннатдорчилигини билдирди.

Эслатиб ўтамиз, аввалроқ Туркистонда уч эгизак туғилганлиги ҳақида хабар берган эдик.

Муаллиф: Қайрат Зайнишев