Ўйин тарихи
Бутунжаҳон кўчманчилар ўйинлари – этник, анъанавий спорт турлари бўйича халқаро мусобақадир. 2014, 2016 ва 2018 йилларда илк ўйинлар Қирғизистоннинг Шолпан ота шаҳрида ўтказилган.
2022 йилда Туркиянинг Изник шаҳрида тўртинчи Жаҳон ўйинлари ташкил этилди.
“ҚР Президенти Қасим-Жомарт Кемелули ташаббуси билан мамлакатимиз келаси йили Бутунжаҳон кўчманчилар ўйинларига мезбонлик қилади. Бу халқаро миқёсдаги муҳим байрам бўлиб, кўчманчиларнинг донолиги ва анъаналари, маданияти ва санъатини жаҳон жамоатчилигига намойиш этади. Ҳозирга қадар 73 давлат вакиллари мамлакатимизда ўтказиладиган Кўчманчилар ўйинларида иштирок этиш истагини билдирган. Шундай экан, дунё давлатларининг қизиқиши ортиб боряпти ва иштирокчилар сони сезиларли даражада ошиши мумкин. Ташкилий қўмита мусобақани юқори савияда ўтказиш учун барча имкониятларни ишга солади”, – деди Қозоғистон Республикаси Туризм ва спорт вазири Ермек Маржиқпаев марказий коммуникациялар хизматида.
Бутунжаҳон кўчманчилар ўйинлари туркий, тарихан кўчманчи халқларнинг маданий ва маънавий яқинлашувига ҳисса қўшади, қоришмасини оширади.
Унинг спорт дастурлари туркий халқларнинг муштарак тарихи ва маданиятини бирлаштирган кўчманчи халқларнинг миллий ўйинларига асосланган.
Бешинчи кўчманчилар ўйинларида 20 та спорт мусобақаси ва 10 та кўргазмали спорт мусобақаларини ўтказиш режалаштирилган.