Трамп UFC жангини Оқ уй ҳудудида ўтказишни режалаштирмоқда
ASTANA. Kazinform – АҚШ Президенти Дональд Трамп Абсолют жанг чемпионати (UFC) жангини Оқ уй ҳудудида ўтказишни режалаштирмоқда, деб хабар беради ТАСС.
Айова штатида сўзга чиққан Трамп 2026 йили АҚШ Мустақиллик декларациясининг қабул қилинганига 250 йил тўлиши муносабати билан мамлакат бўйлаб турли тантанали тадбирлар ўтказилишини маълум қилди.
“Мен UFC жангини ўтказиш ҳақида ўйлаяпман. Бу ерда UFC ни кузатадиганлар борми?” – деб тингловчиларга мурожаат қилган Трамп ўз нутқида UFC президенти Дана Уайтни ҳам тилга олди.
“UFC жангини Оқ уй ҳовлисида ўтказамиз. У ерда катта жой бор, кўз олдингизга келтириб кўринг”, – деди у.
Трампнинг айтишича, чемпионлик учун тўлиқ форматдаги ушбу жангни 20-25 минг томошабин кўриши мумкин.
Шу билан бирга, у жанг қачон бўлиб ўтиши ва унда кимлар қатнашиши ҳақида аниқ маълумот бермади. Оқ уй матбуот пулининг хабар қилишича, АҚШ маъмурияти матбуот котиби Кэролайн Ливитт Президент Трамп бу ташаббусга “жуда жиддий ёндашмоқда”, дея маълум қилган.
Бунгача ҚР Президенти Трампни табриклагани ҳақида ёздик.