Трамп Нетаньяхуни суддан ҳимоя қилиб, авф этишга чақирди

ASTANA. Kazinform – Президент Дональд Трамп Исроил бош вазири Биньямин Нетаньяхуни ҳимоя қилди. У ўз нутқида бош вазирга қарши суд жараёни коррупция билан боғлиқлигини айтди.

“Яқинда ўз тарихида улкан ютуқлар даврини бошидан кечирган ва Нетаньяхудек ишончли етакчи бошқараётган Исроил давлати ичкаридан душман қидираётгани ва ўзининг буюк бош вазиридан шубҳаланаётганини эшитиб, ҳайратда қолдим”, – деб ёзади у ўзининг Truth Social ижтимоий тармоғидаги саҳифасида.

Шунингдек, Трамп ўз нутқида "Биби (Нетаньяху) ва мен яқинда Исроилнинг жуда ашаддий ва қадимий душмани Эрон билан жанг қилдик. Биби Исроил ўз тарихидаги ҳеч кимга ўхшамайдиган кучли қаҳрамон эканлигини кўрсатди" деди.

АҚШ президенти Исроил бош вазирининг узоқ вақтдан бери сиёсий сабабларга кўра судга чақирилганидан норозилигини билдирди.

“Биби устидан суд жараёни зудлик билан тўхтатилиб, халқининг буюк қаҳрамони афв этилиши керак. Айнан Қўшма Штатлар Исроилни қутқарди ва Қўшма Штатлар Биби Нетаньяхуни ҳимоя қилади. Бу “адолатли суд”ни тўхтатиш керак”, – дея хулоса қилди АҚШ президенти.

Эслатиб ўтамиз, Нетаньяху Голливуд магнати Арнон Милчэндан қимматбаҳо совғалар олганликда айбланмоқда, деб ёзади FOX News.

Аввалроқ Трамп Исроил ва Эрон ўртасидаги тўқнашув тўлиқ тўхтатилганини эълон қилган эди.