Трамп маъмурияти иқлим бўйича тадқиқотларни молиялаштиришни қисқартирди

ASTANA. Kazinform - АҚШ президенти Дональд Трамп маъмурияти Принстон университетида иқлим ўзгариши бўйича тадқиқотлар учун федерал маблағни қарийб 4 миллион долларга қисқартиришини эълон қилди, деб хабар беради Kazinform мухбири The New York Timesга таяниб.

Савдо вазирлигининг таъкидлашича, дастур "бўрттирилган ва реал бўлмаган иқлим таҳдидларини тарғиб қилади" ва америкалик ёшлар орасида "иқлим хавотирини" кучайтиради. Вазирлик, шунингдек, болалар боғчаси ва юқори синф ўқувчиларига қаратилган таълим дастурларини молиялаштиришни тўхтатишини айтди.

Бундан ташқари, Принстонда "Глобал исиш натижасида Ердаги сувнинг мавжудлиги қандай ўзгариши" ва "Ёғингарчилик шаклидаги ўзгаришлар ва денгиз сатҳининг кўтарилиши қирғоқ бўйидаги сув тошқинларига қандай таъсир қилиши мумкинлиги" мавзуларида иккита беш йиллик тадқиқотни молиялаштириш тўхтатилади.

— Бундай чиқишларни қўллаб-қувватлаш учун федерал маблағлардан фойдаланиш маъмуриятнинг устувор йўналишларига мос келмайди. Бу вақт ва ресурсларни бошқа мақсадларда яхшироқ ишлатиш мумкин, — дея маълум қилди вазирлик.

Савдо вазирлигининг дастурларни қисқартириш тўғрисида эълон қилиши федерал агентликлар, жумладан NASA ва Энергетика вазирлиги ўтган ҳафта Принстон университетида ўнлаб тадқиқот грантларини тўхтатиб қўйганликларини эълон қилганидан кейин рўй берди.

Эслатиб ўтамиз, аввалроқ Оқ уй БМТ ва НАТОни молиялаштиришни тўхтатишни таклиф қилгани ҳақида хабар берган эдик.