Вирус юқтирганларнинг иккитаси Олимпия шаҳарчасида яшовчи чет эллик спортчилар.
Ҳозирги кунга қадар Токиодаги Олимпия ўйинларига дахлдор 87 кишидан коронавирус инфекцияси аниқланди.
Токиодаги Олимпия ўйинлари ташкилий қўмитаси касалланганларни 1 июлдан қайд этишни бошлади. Умумий рўйхатга Японияда Олимпия олдидан ўқув-машғулот йиғинидан ўтган спортчиларни киритилмаган.
Очилиш маросими жума куни кечқурун Токиода COVID-19 чекловлари туфайли мухлисларсиз бўлиб ўтади.