Того Республикаси Президенти расмий ташриф билан Қозоғистонга келади
12:30, 27 Ноябрь 2023
Давлат раҳбари Қасим-Жомарт Тоқаевнинг таклифига биноан Того Республикаси Президенти Фор Эссозимна Гнассингбе 27—28 ноябрь кунлари расмий ташриф билан Қозоғистонда бўлади, дея хабар беради Каzinform Ақорда матбуот хизматига таяниб.
Ташриф доирасида олий даражадаги музокаралар ўтказилади. Музокаралар чоғида икки томонлама савдо-иқтисодий ва гуманитар ҳамкорликни ривожлантириш истиқболлари, Қозоғистон ва Африка қитъаси мамлакатлари ўртасидаги ҳамкорлик масалаларини муҳокама қилиш режалаштирилган.